ភ្នំពេញ៖ រដ្ឋលេខាធិការក្រសួងសង្គមកិច្ច និងជាអគ្គលេខាធិការក្រុមប្រឹក្សាសកម្មភាពជនពិការលោក ឯម ច័ន្ទមករា បានចូលរួមអបអរសាទរខួប១៨ឆ្នាំនៃអាពាហ៍ពិពាហ៍របស់សម្ដេចធិបតី ហ៊ុន ម៉ាណែត និងជំទាវទី១កម្ពុជាលោកស្រីបណ្ឌិត ពេជ ចន្ទមុន្នី។

លោក ឯម ច័ន្ទមករា ថាអាពាហ៍ពិពាហ៍របស់នាយករដ្ឋមន្ត្រី និងភរិយា បានបង្ហាញនូវក្ដីស្រលាញ់ ការថែរក្សាការពារ និងភាពស្មោះត្រង់រវាងស្វាមីនិងភរិយាជាគំរូដល់ពលរដ្ឋនៅក្នុងប្រទេស។

គួរឲ្យដឹងផងដែរថាសម្ដេចធិបតី បានរៀបអាពាហ៍ពិពាហ៍ជាមួយជំទាវទី១ លោកស្រីបណ្ឌិត ពេជ ចន្ទមុន្នី នៅថ្ងៃទី៧ ខែមករា ឆ្នាំ២០០៦ ក្នុងខួបអាពាហ៍ពិពាហ៍១៨ឆ្នាំនេះ នាយករដ្ឋមន្ត្រីកម្ពុជា សម្ដេចធិបតី ហ៊ុន ម៉ាណែត បានផ្ញើសារអរគុណភរិយាជាទីស្រលាញ់ដោយបានលើកឡើងថា៖ «សូមអរគុណភរិយាជាទីស្រឡាញ់ ចំពោះ ១៨ឆ្នាំ ដែលពោរពេញទៅដោយសេចក្តីស្រឡាញ់ សុភមង្គល និងភាពកក់ក្តៅនៅក្នុងគ្រួសារតូចមួយរបស់យើង»៕